ՄԱՍՅԱՑՈՏՆ

Հայ Առաքելական Եկեղեցու Մասյացոտնի թեմ

Սրբոց Ղևոնդյանց եկեղեցու կառուցում Սիս համայնքում

Մասյացոտնի թեմի առաջնորդ Տ. Գևորգ եպս Սարոյանի օրհնությամբ Սիս գյուղում մեկնարկում ենք Սբ Ղևոնդյանց եկեղեցու կառուցումը։ Եկեղեցու կառուցումով ավելի պիտի զորանա այդ տարածքի բնակչության հավատը և առհասարակ՝ եկեղեցական կյանքը։

Մայիսի 22-ին կատարվեց եկեղեցուն հատկացված հողամասի ինժեներաերկրաբանական ուսումնասիրությունը՝ հովանավորությամբ «ՄոսՖիշ» ընկերության փոխտնօրեն Միքայել Մարտոյանի։ Աստված օրհնի և շենացնի պրն Մարտոյանի ընտանիքը։

Այդ առիթով կազմակերպվում է դրամահավաք։ Հանգանակությանը մասնակցել կարող եք կա՛մ դիմելով Սիսի հոգևոր հովիվ Թաթուլ քհն. Գասպարյանին, կա՛մ գումարը փոխանցելով Մասյացոտնի թեմի բանկային հաշվեհամարներից որևէ մեկին։

ՀԱՆԳԱՆԱԿՈՒԹՅԱՆ ՁԵՎԵՐ

◊ Անձամբ դիմել Տ. Թաթուլ քահանա Գասպարյանին

📞 Հեռ.` +374 93905775

◊ Փոխանցել Մասյացոտնի թեմի բանկային հաշվեհամարներից որևէ մեկին։

Ձեր ի՞նչ գործն է ուրիշի մեղքը, թող առաջինը քար նետի նա, ով անմեղ է. Գևորգ սրբազան

Եկեղեցին, Քրիստոսը և ժողովուրդը միշտ միասին են

Մինչև մեզ համար հայրենիքը չդառնա գերակա արժեք...

Գևորգ սրբազանի հետ նախորդ հարցազրույցները կարող եք դիտել կամ լսել այստեղ։

Մարմարաշենի Սբ Գևորգ եկեղեցու զանգակատուն-գավթի և հովվատան կառուցում

Մասյացոտնի թեմի առաջնորդ Տ. Գևորգ եպս Սարոյանի օրհնությամբ մեկնարկում ենք Մարմարաշեն գյուղում նոր գավիթ-զանգակատան և հովվատան կառուցման կարևոր նախաձեռնությունը։

Տիրոջ ողորմությամբ՝ այս կառույցների շնորհիվ առավել պիտի զորանա Մարմարաշեն գյուղի և շրջակա բնակավայրերի ժողովրդի հոգևոր կյանքը։

Կոչ ենք անում բոլորիդ միանալ՝ ձեր աջակցությամբ մասնակից դառնալով այս նախաձեռնությանը, որը սերունդներին կմնա որպես մեր հավատի վկայություն և հոգևոր հզոր ժառանգություն։

Հանգանակությանը մասնակցել կարող եք կա՛մ դիմելով Մարմարաշենի հոգևոր հովիվ Ղազար քահանա Թորոսյանին, կա՛մ գումարը փոխանցելով Մասյացոտնի թեմի բանկային հաշվեհամարներից որևէ մեկին։

ՀԱՆԳԱՆԱԿՈՒԹՅԱՆ ՁԵՎԵՐ

◊ Անձամբ դիմել Տ. Ղազար քահանա Թորոսյանին

📞 Հեռ.` +374 98 103709

◊ Փոխանցել Մասյացոտնի թեմի բանկային հաշվեհամարներից որևէ մեկին՝ նպատակի բաժնում նշելով «Մարմարաշեն»

Վերսկսվել են Հովտաշենի Սբ Բարթողոմեոս եկեղեցու շինարարական աշխատանքները

Օրհնությամբ Մասյացոտնի թեմի առաջնորդ Գերաշնորհ Տեր Գևորգ եպս Սարոյանի՝ վերսկսվել են Հովտաշեն համայնքի Սբ Բարթողոմեոս եկեղեցու շինարարական աշխատանքները՝ համայնքի և մի խումբ նախանձախնդիր մարդկանց ջանքերով։

Բոլորիս անունից հայտնում ենք խորին շնորհակալություն և բյուր օրհնություններ ֆինանսական աջակցություն ցուցաբերողներին և եկեղեցու կառուցման մեջ ներգրավված բոլոր անձանց։

Հովտաշենի Սբ Բարթողոմեոս եկեղեցու կառուցման համար դրամահավաքը շարունակվում է։ Մասնակցել ցանկացողները կարող են դիմել Մասյացոտնի թեմին կապի հետևյալ միջոցներով․

✆ 0236 40088 (քարտուղարություն)

✉️ Ֆեյսբուքյան էջ

◊◊◊

«Պատմությունից հայտնի է, որ մեր ազգային ձախողումների և դժբախտությունների հիմնական պատճառն անմիաբանությունն է։ Պատմական օրինաչափություն է նաև, որ մեր միաբանության ուղին միշտ հաղթանակով է պսակվել։ Եվ բնավ պատահական չէ, որ հայոց գրավոր մշակույթի ի հայտ գալուց սկսյալ հայի համար գերագույն ձգտում, իդեալ է մնացել միասնության գաղափարը․․․ Պատմական փորձը վկայում է, սակայն, որ այդ իդեալի կենսագործման հիմնական խոչընդոտը եսասիրությունն է, նախանձը, որոնք դժբախտաբար թույլ չեն տալիս մեզ վեր կանգնելու անձնական շահից և փառասիրությունից, համախմբելու մեր ուժն ու հնարավորությունները համազգային վեհ նպատակների շուրջ»։

Գևորգ եպս Սարոյան

Շարունակվում են Դարբնիկի Սբ Հովհաննես եկեղեցու շինարարական աշխատանքները

1800-ից ավելի բնակիչ ունեցող Դարբնիկի բնակիչներն իրենց հոգևոր կարիքների բավարարման համար ստիպված են այցելել հարակից բնակավայրերի եկեղեցիներ։ Սակայն շուտով Դարբնիկը նույնպես կունենա սեփական եկեղեցին՝ Սբ Հովհաննես անունով։ Եկեղեցին կունենա նաև կից մատուռ, որը կծառայի նաև որպես մոմավառության սրահ։ Բացի դրանից, կկառուցվեն նաև կիրակնօրյա դպրոց, հովվատուն և գրատուն։ Դարբնիկի հոգևոր հովիվն է Տ. Մարտիրոս ավ. քհն. Ավետիսյանը, եկեղեցու ֆեյսբուքյան էջը՝ https://www.facebook.com/profile.php?id=61574930701469

Օգնենք Արգավանդի Սբ Սարգիս եկեղեցուն՝ ունենալու երիցատուն

Մասյացոտնի թեմի առաջնորդ Տ. Գևորգ եպս Սարոյանի օրհնությամբ՝ Արգավանդի Սբ Սարգիս եկեղեցին նախաձեռնում է դրամահավաք՝ երիցատուն գնելու կամ կառուցելու նպատակով։

Արգավանդի Սբ Սարգիս եկեղեցին երբեք երիցատուն չի ունեցել։ Երկար տարիներ որպես երիցատուն են ծառայել եկեղեցու հարևանությամբ վարձակալված տները։ Այստեղ են կազմակերպվել Աստվածաշնչի սերտողության դասերը, հոգևոր զրույցները, կիրակնօրյա դպրոցը, տոնական ու համայնքային միջոցառումները, Պատարագից հետո մատուցվող սիրո ճաշերը, այստեղ ենք ընդունել Պատարագին եկած մանկատան երեխաներին, ծերանոցի ծերերին և ուխտավորներին։ Բայց մոտ 2 տարի է, ինչ եկեղեցին մնացել է առանց երիցատան, ինչի պատճառով մեր ծրագրերը կա՛մ առհասարակ չենք կարողանում իրականացնել, կա՛մ իրականացնում ենք մեծ դժվարությամբ։

Մեր բնականոն ընթացքը վերսկսելու, ծրագրերը շարունակելու և եկեղեցական կյանքը զորացնելու համար նախաձեռնել ենք դրամահավաք։ Ստացված գումարն ուղղվելու է երիցատան գնման կամ կառուցման նպատակին։

Ցանկացողները կարող են միանալ մեր նախաձեռնությանը և փոխանցումներ կատարել հետևյալ հաշվեհամարին.

ԱյԴի Բանկ / IDBank

Դրամ – 11814043564500

ԱՄՆ դոլար – 11814043564501

Եվրո – 11814043564502

Ռուս. ռուբլի – 11814043564503

Աստված օրհնի բոլորիս։

Արգավանդի Սուրբ Սարգիս եկեղեցու հոգևոր հովիվ՝

Գրիգոր քհն. Հովհաննիսյան

Մեր արցախցի բռնագաղթյալ հայրենակիցների համար

Մասյացոտնի թեմը շարունակում է պարբերաբար կազմակերպել թեմի տարածքում բնակեցված մեր արցախցի բռնագաղթյալ հայրենակիցների աջակցության միջոցառումներ։

Ովքեր կցանկանան միանալ այս ծրագրերին, կարող են կապ հաստատել իրենց տարածքի եկեղեցականների հետ կամ դիմել թեմի առաջնորդարան հետևյալ հեռախոսահամարներով.

✆ 0236 40088 - Քարտուղարություն

✆ 077 807015 - Տեր Եզնիկ քահանա Մարդիրյան

Արցախցիներից բոլոր նրանք, ովքեր դեռևս մկրտված չեն, կարող են դիմել իրենց բնակավայրի պատասխանատու հոգևորականին, ով սիրով կիրականացնի մկրտության արարողությունը։ Մասյացոտնի թեմի եկեղեցականների ցանկը՝ ըստ բնակավայրերի։